PARACLITENSE

PARACLITENSE

Monasterium Galliae, in Dioecesi vulgo Troges, ubi Moniales degunt, a Paraclito Spiritu S. appellatum, fundatumque a Petro Abaillardo, qui uxorem suam Heloisam ei praefecit: cuius epitaphium ibi tale,

Hôc tumulô Abbatissa iacet prudens Heloissa,

Paraclitum statuit, cum Paraclito requiescit.

Dicitur etiam Paracliti seu de Paraclito. Bernardus Ep. 178. ad. Eugenium III. Sed et quod petit Abbatissa de Paraclito per ipsum si dignamini, scire potestis, et facere, si dignum iudicatis. In eo hodieque in die Pentecostas, linguâ Graecâ Officium cani, docet Nicol. Camusatus Histor Miscoll. apud Dominic. Macrum in Hierolexico.